ខេត្តបាត់ដំបង ៖ នៅព្រឹកថ្ងៃអាទិត្យ ទី៣០ ខែមិថុនា ឆ្នាំ២០២៤ ឯកឧត្តម សុខ ប៊ុនថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈកម្មាធិការប្រយុទ្ធនឹងជំងឺអេដស៍ក្រសួង ស.អ.យ. អមដោយមន្ត្រីជំនាញនៃលេខាធិការប្រយុទ្ធនឹងជំងឺអេដស៍ បានចូលរួមជាអធិបតីក្នុងកម្មពិធីចុះសួរសុខទុក្ខ ផ្សព្វផ្សាយការងារអេដស៍ និងចែកអំណោយដល់ប្រជាជនដែលមានផ្ទុក HIV នៅឃុំរកា ស្រុកសង្កែ ខេត្តបាត់ដំបង ចំនួន ២២៧នាក់ ដែលជាអំណោយរបស់អង្គការមូលនិធិសប្បុរសធម៌ឆឺជី។

កម្មវិធីនេះមានការអញ្ជើញចូលរួមពី លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា លោកអភិបាលនៃគណៈអភិបាលស្រុកសង្កែ តំណាងការិយាល័យសុខាភិបាលស្រុក លោកស្រីមេឃុំរកា អាជ្ញាធរដែនដី ក្រុមគ្រូពេទ្យយុវជនស្ម័គ្រចិត្តសម្តេចតេជោ (TYDA) និងប្រជាពលរដ្ឋចូលរួមជាច្រើន។

អំណោយសប្បុរសធម៌ដែលក្នុងម្នាក់ៗទទួលបានរួមមាន៖ អង្ករ ៤០គីឡូក្រាម ប្រេងឆា២លីត្រ ម្សៅធញ្ញជាតិ (៥០០ក្រាម) ២កញ្ចប់ នំបុ័ងមួយដើម និងទឹកបរិសុទ្ធ១ដប។