ខេត្តត្បូងឃ្មុំ ៖ នាថ្ងៃព្រហស្បតិ៍ ៩រោច ខែចេត្រ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី០២ ខែឧសភា ឆ្នាំ២០២៤ លោក អ៊ុន លំអង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តត្បូងឃ្មុំ និងសហការី ព្រមទាំងលោកមេឃុំ មេភូមិ បាននាំយកសម្ភារថវិការួមមាន៖ អង្ករ១បេ, មី១កេះ, ត្រីខ១យួរ,ទឹកត្រី១យួរ,ទឹកស៊ីអ៊ីវ១យួរ, ប្រេងឆា១ដប, កន្ទេល១, មុង១, ភួយ១ ព្រមទាំងថវិកាមួយចំនួន ជូនដល់លោកយាយ មូត សំ អាយុ ៧៨ឆ្នាំ ដែលមានជីវភាពក្រីក្រគ្មានទីពឹង រស់នៅភូមិត្រពាំងថ្ម ឃុំពពេល ស្រុកពញាក្រែក ខេត្តត្បូងឃ្មុំ។

សូមបញ្ជាក់ថា កន្លងមកលោកយាយ មូត សំ បានទទួលថវិកាជាប្រាក់ខែពីកម្មវិធីជំនួយសង្គមមានបណ្ណក្រីក្រ១ និងទទួលរបបជនពិការក្រីក្រតាមសហគមន៍ផងដែរ បច្ចុប្បន្ននេះលោកយាយបន្តទទួលបានឈ្មោះក្នុងកម្មវិធីកញ្ចប់គ្រួសារថ្មី។