ទីស្ដីការក្រសួង ៖ នារសៀលថ្ងៃទី០៣ ខែឧសភា ឆ្នាំ២០២៤ ឯកឧត្តម ប្រាក់ សុខយូរ រដ្ឋលេខាធិការប្រចាំការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតីដឹកនាំកិច្ចប្រជុំស្ដីពី «ការគ្រោងរៀបចំផែនការយុទ្ធសាស្រ្តថវិកា ២០២៥-២០២៧ និងផែនការថវិកាចំណូល-ចំណាយ ឆ្នាំ២០២៥» នៅទីស្ដីការក្រសួង។
កិច្ចប្រជុំនេះធ្វើឡើងដើម្បីប្រកាសសមាសភាពក្រុមការងាររៀបចំចងក្រងផែនការយុទ្ធសាស្ត្រថវិកា ថវិកាកម្មវិធី និងតាមដានវាយតម្លៃលើសមិទ្ធកម្ម និងត្រៀមលក្ខណៈសម្បត្តិក្នុងការរៀបចំផែនការយុទ្ធសាស្ត្រថវិកា២០២៥-២០២៧ និងផែនការថវិកាចំណូល-ចំណាយ ឆ្នាំ២០២៥ ទាំងថ្នាក់ទីស្តីការក្រសួង គ្រឹះស្ថានសាធារណៈរដ្ឋបាល និងមន្ទីរ ស.អ.យ. រាជធានី-ខេត្ត ទាំង២៥ ឱ្យមានភាព ប្រទាក់ក្រឡាគ្នារវាងថ្នាក់កណ្តាល ទីស្តីការក្រសួង និងថ្នាក់មន្ទីររាជធានី-ខេត្ត ឆ្លើយតបតាមយុទ្ធសាស្ត្របញ្ចកោណទី១ ការអភិវឌ្ឍន៍មូលធនមនុស្ស មុំទី៤ ការពង្រឹងប្រព័ន្ធគាំពារសង្គម និងប្រព័ន្ធស្បៀង របស់រាជរដ្ឋាភិបាល។
