ខេត្តស្ទឹងត្រែង៖ នារសៀលថ្ងៃច័ន្ទ ទី៦ ខែមេសា ឆ្នាំ២០២៦ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងឯកឧត្តមប្រធានក្រុមប្រឹក្សាខេត្ត ឯកឧត្តមអភិបាលខេត្តស្ទឹងត្រែង ព្រមទាំងថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា បានចុះសួរសុខទុក្ខ និងនាំយកអំណោយជាសម្ភារៈ រួមទាំងគ្រឿងឧបភោគបរិភោគ និងថវិកា ផ្ទាល់ខ្លួនរបស់ ឯកឧត្តមរដ្ឋមន្រ្តី និងលោកជំទាវ ព្រមទាំងសប្បុរសជននានា ជូនវីរៈកងទ័ព នៅយោធភូមិភាគទី១ ខេត្តស្ទឹងត្រែង នាឱកាសបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ពុទ្ធសករាជ ២៥៧០ ដែលនឹងឈានចូលមកដល់នាពេលខាងមុខ។ សម្ភារៈដែលបានប្រគល់ជូនរួមមាន ៖
១. កុំព្យូទ័រយួរដៃ ចំនួន ៦គ្រឿង
២. ម៉ាស៊ីនព្រីនធ័រ ខ្នាតA3 ចំនួន ២គ្រឿង
៣. វិទ្យុទាក់ទងចល័ត10W ចំនួន ២៥គ្រឿង
៤. វិទ្យុទាក់ទងលើតុ50W ចំនួន ៥គ្រឿង
៥. ស័ង្កសី 3m ចំនួន ១,០០០សន្លឹក
៦. ទឹកក្រូច ចំនួន ៥០កេស
៧. ទឹកសុទ្ធ ចំនួន ១០០កេស
៨. មី ចំនួន ១០០កេស
៩. ត្រីខ ចំនួន ២០កេស
១០. កាហ្វេ ចំនួន ៤កេស
១១. អង្រឹង ចំនួន ១០០
១២. ធុងទឹក 35L ចំនួន ១០០ធុង
១៣. ថវិកាសម្រាប់អង្គភាពចំនួន ១០លានរៀល និងជូនថវិកាមួយចំនួន ដល់វីរៈកងទ័ព ដែលបានចូលរួមក្នុងពិធីផងដែរ។សូមជូនពរវីរៈកងទ័ពទាំងអស់ សូមមានសុខភាពល្អ ជោគជ័យគ្រប់ភារកិច្ច។
ជាទីបញ្ចប់ ឯកឧត្តមរដ្ឋមន្រ្តី និងលោកជំទាវ សូមថ្លែងអំណរគុណយ៉ាងជ្រាលជ្រៅ ចំពោះសប្បុរសជនទាំងអស់ ដែលបានជួយឧបត្ថម្ភគាំទ្រ និងសូមបួងសួងដល់ទេវតាឆ្នាំថ្មីព្រះនាម រាក្យសាទេវី ប្រសិទ្ធិពរបវរសួស្ដីមហាប្រសើរ និងឈ្នះអស់មាសត្រូវ ព្រមទាំងសមប្រកបនឹងពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។
