ខេត្តកំពង់ចាម៖ ថ្ងៃអង្គារ ២ កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែសីហា ឆ្នាំ២០២៤ នាយកដ្ឋានសុខុមាលភាពជនពិការ បានរៀបចំសិក្ខាសាលាស្តីពី បរិយាបន្នពិការភាពក្នុងកម្មវិធីជំនួយសង្គម និងសេវាសង្គម ក្រោមអធិបតីភាព លោក សាន់ រតនា ប្រធាននាយកដ្ឋាន ដោយមានការចូលរួមពី លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា លោក លោកស្រី តំណាងមន្ទីរ ពាក់ព័ន្ធជុំវិញខេត្តកំពង់ចាម ទីប្រឹក្សាកម្មវិធី ACCESS2 អង្គការយូនីសេហ្វ លោក លោកស្រី គ្រូបង្គោលខេត្តកំពង់ចាម ជនបង្គោលកម្មវិធីអត្តសញ្ញាណកម្មពិការភាព ឃុំ/សង្កាត់ ទាំង១០៩ ក្នុងខេត្តកំពង់ចាម សរុបចំនួន ២៧៧នាក់ ដែលសហការរៀបចំដោយមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកំពង់ចាម និងអង្គការយូនីសេហ្វ ដែលប្រព្រឹត្តទៅនៅសាលាខេត្តកំពង់ចាម។

គោលបំណង៖ សិក្ខាសាលានេះ រៀបចំឡើងដើម្បីផ្តល់ការយល់ដឹងដល់ឃុំ សង្កាត់ អំពីដំណើរការអនុវត្តបរិយាបន្នពិការភាពក្នុងកម្មវិធីជំនួយសង្គមសម្រាប់អនុវត្តបរិយាបន្នពិការភាព នៅក្នុងឃុំ សង្កាត់។