ខេត្តសៀមរាប ៖ នៅព្រឹកថ្ងៃទី៦ ខែមិថុនា ឆ្នាំ២០២៤ ឯកឧត្តម គីម សុវណ្ណឌី អគ្គលេខាធិការនៃអគ្គលេខាធិការដ្ឋាន ក.ជ.ក. បានអញ្ជេីញចូលរួមជាអធិបតីក្នុងពិធីបេីកកិច្ចប្រជុំពិនិត្យ និងផ្តល់ធាតុចូលលេីការវាយតម្លៃពាក់កណ្តាលអាណត្តិ នៃផែនការសកម្មភាព ដេីម្បីបង្ការ ទប់ស្កាត់ និងឆ្លេីយតបចំពោះការកេងប្រវ័ញ្ចផ្លូវភេទលេីកុមារតាមប្រព័ន្ធអនឡាញ ឆ្នាំ២០២១-២០២៥ និងកិច្ចប្រជុំក្រុមការងារបច្ចេកទេសអន្តរក្រសួងរៀបចំផែនការជាតិ ស្តីពីការទប់ស្កាត់ និងឆ្លេីយតបចំពោះអំពេីហិង្សាលេីកុមារ ឆ្នាំ២០២៤-២០២៨ ដែលមានរយ:ពេល២ថ្ងៃ គឺថ្ងៃទី៦-៧ ខែមិថុនា ឆ្នាំ២០២៤ នៅសណ្ឋាគារខេមរាអង្គរ ខេត្តសៀមរាប ដោយមានវត្តមានសមាសភាពអញ្ជេីញចូលរួមពី ឯកឧត្តម លោកជំទាវ លោក លោកស្រី កញ្ញា មកពីក្រសួង ស្ថាប័នពាក់ព័ន្ធ និងអង្គការដៃគូ ព្រមទាំងឯកឧត្តម លោកជំទាវអគ្គលេខាធិការរង អស់លោក លោកស្រី កញ្ញា ប្រធានផ្នែក អនុប្រធានផ្នែក នៃអគ្គលេខាធិការដ្ឋាន ក.ជ.ក. សរុបចំនួន ៤៥នាក់។
