ឯកឧត្តម សុខ ប៊ុនថា រដ្ឋលេខាធិការ តំណាងឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា បានចូលរួមពិធីប្រគល់-ទទួល អំណោយជារថយន្តសង្គ្រោះបន្ទាន់ចំនួន ១គ្រឿង និងថវិកាចំនួន ៥,០០០,០០០រៀល ព្រមទាំងគ្រឿងឧបភោគបរិភោគមួយចំនួនទៀតពីឧបាសកអ៊ូ ម៉ុល និងឧបាសិកា តាន់ សួរផេង ត្រូវជាឪពុក-ម្តាយបង្កើត លោកជំទាវ អ៊ូ ធីតាពៅ គួច ចំរើន ជូនទៅមជ្ឈមណ្ឌលថែទាំ និងស្តារនីតិសម្បទាជនវិបល្លាសស្មារតី ដែលស្ថិតនៅភូមិបារគូ ឃុំបារគូ ស្រុកកណ្តាលស្ទឹង ខេត្តកណ្តាល ដោយមានការអញ្ជើញចូលរួមពី៖ លោកអភិបាល-អភិបាលរងនៃគណៈអភិបាលស្រុកកណ្តាលស្ទឹង លោក ប្រធាននាយកដ្ឋានគាំពារជនរងគ្រោះ លោកប្រធានមន្ទីរ ស.អ.យ ខេត្តកណ្តាល លោក លោកស្រី ប្រធាន អនុប្រធានមណ្ឌល ព្រមទាំងមន្ត្រីរាជការមួយចំនួន។