រាជធានីភ្នំពេញ ថ្ងៃព្រហស្បតិ៍ ១៤រោច ខែអស្សជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៣១ ខែតុលា ឆ្នាំ២០២៤ ដោយបានទទួលការអនុញ្ញាតដ៏ខ្ពង់ខ្ពស់ពីឯកឧត្ដម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក ថេង ឆវីរិទ្ធ អគ្គនាយករង តំណាងឯកឧត្តម ឌីន បូរី អគ្គនាយកសេវាសង្គមកិច្ច បានអញ្ជើញជាអធិបតីភាពក្នុងពិធីបេីកពិធីប្រកាសជាផ្លូវការ និងដាក់ឱ្យប្រេីប្រាស់របាយការណ៍ស្រាវជ្រាវ និងកិច្ចប្រជុំលេីកទី២៤ ដៃគូគម្រោងថែទាំកុមារក្នុងគ្រួសារជាអាទិភាពចម្បង ដោយមានការចូលរួម ពីក្រសួង ស.អ. យ ក្រសួងការងារ និងបណ្តុះបណ្ដាលវិជ្ជាជីវ: ក្រសួងអប់រំ យុវជន និងកីឡា ស្ថាប័នពាក់ព័ន្ធ លោកជំទាវប្រធានគ.ក.ស.ក និងតំណាងក្រុមការងារកិច្ចការពារកុមាររាជធានី ខេត្តទាំង ៩ និងមន្ទីរស.អ.យ រាជធានី ខេត្តទាំង ៩ ដៃគូម្ចាស់ជំនួយ និងអង្គការដៃគូរសរុបចំនួនប្រមាណ ៨០នាក់។
កម្មវិធីនេះរៀបចំឡើងក្នុងគោលបំណងៈ
-ដេីម្បីអបអរសាទរការដាក់ឱ្យប្រេីប្រាស់ជាផ្លូវការឯកសារស្រាវជ្រាវ ដេីម្បីរួមចំណែកដល់ការពង្រឹងប្រព័ន្ធ និងគាំទ្រដល់ការថែទាំកុមារដោយសាច់ញាតិ និងឪពុកម្ដាយធម៌ ក៏ដូចជាមេរៀនដែលទទួលបានពីការអនុវត្តការបង្វែរ និងបិទមណ្ឌលថែទាំកុមារក្នុងប្រទេសកម្ពុជា។
-ដេីម្បីធ្វេីបច្ចុប្បភាពពីការអនុវត្តគម្រោង ផ្តោតលេីវឌ្ឍនភាពកិច្ចសហការអង្គការដៃគូខេត្តគោលដៅពីសមិទ្ធផល បញ្ហាប្រឈម និងដំណោះស្រាយ។
-ដេីម្បីចែករំលែកគោលនយោបាយថ្មីៗ របស់រាជរដ្ឋាភិបាល ទាក់ទងនឹងការងារកិច្ចការពារ និងថែទាំកុមារ នៅកម្ពុជា និងផែនការបន្ត សៀវភៅណែនាំស្តីពីនីតិវិធីប្រតិបត្តិកិច្ចការពារកុមារ
