ភ្នំពេញ៖ ព្រឹកថ្ងៃសុក្រ ១២រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១០ ខែវិច្ឆិកា ឆ្នាំ២០២៣ ឯកឧត្តម ឌីន បូរី អគ្គនាយក នៃអគ្គនាយកសេវាសង្គមកិច្ច ក្រសួងសង្គមកិច្ច អតីតយុទ្ធជន និងយុវនីតិសម្បទា បានប្រជុំពិភាក្សាការងារជាមួយលោកស្រី Marianna Garofalo ប្រធានផ្នែកកិច្ចការពារកុមារ នៃអង្គការយូនីសេហ្វ និងសហការី។ កិច្ចប្រជុំនេះបានពិភាក្សាលេីការងារសំខាន់ៗ ដូចខាងក្រោម៖

១. ការណែនាំអំពីមន្ត្រីបង្គោលរបស់យូនីសេហ្វដែលត្រូវសម្របសម្រួល និងសហការលើការងារកិច្ចការពារកុមារ ជាមួយក្រសួង

២. ការអនុវត្តប្រព័ន្ធគ្រប់គ្រងករណីកុមារ Primero និងកិច្ចសហការជាមួយក្រសួងមហាផ្ទៃលើការងារកិច្ចការពារកុមារ

៣. ការត្រៀមរៀបចំកិច្ចប្រជុំបូកសរុបលទ្ធផលការងារសហប្រតិបត្តិការ រវាងយូនីសេហ្វ និងក្រសួង ស.អ.យ ឆ្នាំ២០២៣ និងផែនការរំកិលឆ្នាំ២០២៤-២០២៥ នៃការអនុវត្តកម្មវិធីកិច្ចការពារកុមារ

៤. យុទ្ធនាការគ្រួសាររឹងមាំ ដើម្បីបញ្ចប់អំពើហិង្សាលើកុមារ និងការទប់ស្កាត់ការបំបែកកុមារចេញពីគ្រួសារដោយមិនចាំបាច់នៅកម្ពុជា