កំពង់ឆ្នាំង៖ នៅថ្ងៃទី៨ និងទី៩ ខែវិច្ឆិកា ឆ្នាំ២០២៣ សាខាមូលនិធិជនពិការខេត្តកំពង់ឆ្នាំង បានសហការជាមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងតំណាងម្ចាស់ជំនួយ បាននាំយកអំណោយដែលទទួលបានពីសប្បុរសជនរស់នៅសហរដ្ឋអាមេរិក ចែកជូនជនមានពិការភាពក្រីក្រ ចំនួន ១២គ្រួសារ ដែលរស់នៅខេត្តកំពង់ឆ្នាំង។
ដោយក្នុង ១គ្រួសារទទួលបាន ថវិកាចំនួន ៨ម៉ឺនរៀល អង្ករ ២៥គីឡូក្រាម មី ១កេស ទឹកត្រី ១យួរ ទឹកស៊ីអ៊ីវ ១យួរ ត្រីខ ១យួរ ប្រេងឆា ១ដប សាប៊ូលាងចាន ១ដប និងប៊ីចេង ១កញ្ចប់។
មូលនិធិជនពិការសូមថ្លែងអំណរគុណដល់សប្បុរសជននានា ដែលបានបរិច្ចាគថវិកាដើម្បីយកទៅផ្ដល់ជូនជនមានពិការភាពក្រីក្រ៕
