ទីស្ដីការក្រសួង ៖ រសៀល ថ្ងៃសុក្រ ៧កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែកក្កដា ឆ្នាំ២០២៤ ឯកឧត្តម សុខ ប៊ុនថា រដ្ឋលេខាធិការ អញ្ជើញជាអធិបតីក្នុងកិច្ចប្រជុំពិនិត្យ និងពិភាក្សាលើ១. ការត្រៀមលក្ខណៈទទួលដំណើរទស្សនកិច្ចរបស់ លោក វីទិត មុនតាប៊ន អ្នករាយការណ៍ពិសេសរបស់អង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជា តាមមជ្ឈមណ្ឌលនានា ស្ថិតក្រោមសមត្ថកិច្ចក្រសួងសង្គមកិច្ច អតីតយុទ្ធជន និងយុវនីតិសម្បទា ។ ២. ពិនិត្យមើលសេចក្តីព្រាងរបាយការណ៍របស់ “អគ្គលេខាធិការអង្គការសហប្រជាជាតិ ពាក់ព័ន្ធនឹងសិទ្ធិមនុស្ស និងរបាយការណ៍របស់ លោក វិទិត មុនតាប៊ន អ្នករាយការណ៍ពិសេសស្តីពីស្ថានភាពសិទ្ធិមនុស្សនៅកម្ពុជា”ឆ្នាំ២០២៤ និងអញ្ជើញចូលរួមពី ឯកឧត្តម នាក់ ថារ៉ែន អនុរដ្ឋលេខាធិការ លោកជំទាវ សម្បត្តិ សុគន្ធា អគ្គលេខាធិការរងក្រុមប្រឹក្សាជាតិកម្ពុជាដើម្បីកុមារ លោក សែម សុខបញ្ញា អគ្គនាយករងគោលនយោបាយសង្គមកិច្ច លោក ឃ្លាំង ទី អគ្គនាយករងស្តារសម្បទា តំណាងមូលនិធិជាតិជំនួយសង្គម ក្រុមប្រឹក្សាសកម្មភាពជនពិការ មូលនិធិជនពិការ ។