ទីស្តីការក្រសួងស.អ.យ ថ្ងៃព្រហស្បតិ៍ ៥រោច ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែសីហា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តមបណ្ឌិត ស៊ូនី វង្សវិសិដ្ឋ រដ្ឋលេខាធិការ និងជាប្រធានក្រុមការងារដឹកនាំនិងជម្រុញឌីជីថលូបនីយកម្ម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតីបើកសិក្ខាសាលាពិគ្រោះយោបល់ប្រមូលធាតុចូលដើម្បីកសាងផែនការយុទ្ធសាស្ត្រ បរិវត្តកម្មឌីជីថលសង្គមកិច្ច។ សិក្ខាសាលានេះមានគោលបំណងដើម្បីលើកកម្ពស់ការផ្តល់សេវា កែលម្អប្រសិទ្ធភាព ប្រតិបត្តិការ និងគាំទ្រប្រជាជនដែលរងគ្រោះ និងងាយរងគ្រោះតាមការធ្វើបរិយាបន្ននៃបច្ចេកវិទ្យាឌីជីថល ដោយមានការចូលរួមពី ឯកឧត្តមរដ្ឋលេខាធិការ អនុរដ្ឋលេខាធិការ អគ្គនាយក លោក លោកស្រីអគ្គនាយករង ប្រធាននាយកដ្ឋាន តំណាងអង្គការដៃគូ និងអង្គភាពពាក់ព័ន្ធចំណុះក្រសួងទាំងអស់ សរុបប្រមាណ៧៨នាក់។