ភ្នំពេញ÷ នាព្រឹកថ្ងៃព្រហស្បតិ៍ ថ្ងៃទី១៦ ខែវិច្ឆិកា ឆ្នាំ២០២៣ ឯកឧត្តម ឯក ក្រិត រដ្ឋលេខាធិការក្រសួងសង្គមកិច្ច អតីតយុទ្ធជននិងយុវនីតិសម្បទា និងជាប្រធានចង្កោមទទួលបន្ទុកលើការងារមនុស្សចាស់ និងអតីតយុទ្ធជន និងមជ្ឈមណ្ឌលជាតិគាំពារមនុស្សវ័យចាស់ ដឹកនាំកិច្ចប្រជុំពិនិត្យ និងពិភាក្សាអំពីវឌ្ឍនភាពនៃការអនុវត្តផែនការសកម្មភាព ២០២១-២០២៥ នៃគោលនយោបាយជាតិស្តីពីមនុស្សវ័យចាស់ឆ្នាំ២០១៧-២០៣០ និងពីលទ្ធផលការងារសម្រេចបាន ទិសដៅបន្ត និងបញ្ហាប្រឈមរបស់នាយកដ្ឋានមនុស្សចាស់និងអតីតយុទ្ធជន ដែលបានអនុវត្តកន្លងមក។

កិច្ចប្រជុំនេះមានការអញ្ជើញចូលរួមពីឯកឧត្តមរដ្ឋលេខាធិការ អនុរដ្ឋលេខាធិការ អគ្គនាយកសេវាសង្គមកិច្ច ព្រមទាំងប្រធាន អនុប្រធាននាយកដ្ឋានមនុស្សចាស់និងអតីតយុទ្ធជន៕