ខេត្ត មណ្ឌលគិរី៖ នៅថ្ងៃទី១៨ ខែមករាឆ្នាំ២០២៤ ដោយមានការអនុញ្ញាតដ៏ខ្ពង់ខ្ពស់ ពី ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា ក្រសួង សង្គមកិច្ច អតីតយុទ្ធជន និងយុវនីតិសម្បទា ដឹកនាំក្រុមការងារជំនាញនាយកដ្ឋានសុខុមាលភាពជនពិការ ចុះខេត្តមណ្ឌលគីរី ដេីម្បីចូលរួមកម្មវិធីដូចខាងក្រោម÷
១- ជាអធិបតីក្នុងពិធីចែករបបគោលនយោបាយ ជូន ជនពិការ នៅតាមសហគមន៍ក្នុងខេត្ត មណ្ឌលគីរី សម្រាប់ ឆ្នាំ ២០២៣ ដោយមានការចូលរួមពីលោក នួន សារ៉ន អភិបាលរង នៃគណៈអភិបាលខេត្តមណ្ឌលគិរី លោកជំទាវ ខៀវ ប៊ុនលីន ប្រធាន គ.ក.ស.ក. ខេត្ត ប្រធានមន្ទីរ ស.អ.យ. ខេត្តមណ្ឌលគិរី លោក លោកស្រី ប្រធាន អង្គភាពពាក់ព័ន្ធ ជុំវិញខេត្ត និងបងប្អូន ជនមានពិការ ភាពសរុប ចំនួន ១៧៧នាក់
២-ដឹកនាំកិច្ចប្រជុំតម្រង់ទិសដល់ក្រុមការងារអត្តសញ្ញាណកម្ម គ្រូបង្គោលថ្នាក់ខេត្ត ក្រុង ស្រុក និងជនបង្គោលសង្កាត់ ឃុំ ដើម្បីជំរុញការងារកំណត់អត្តសញ្ញាណកម្មពិការភាព និង ការអនុវត្តកម្មវិធី បណ្ដុះ បណ្ដាល ជំនាញ វិជ្ជាជីវៈ និង បច្ចេកទេស (TVET) សម្រាប់ជន មានពិការភាពនៅខេត្តមណ្ឌលគិរី។