ភ្នំពេញ÷ នៅថ្ងៃទី១៩ ខែធ្នូ ឆ្នាំ២០២៣ ឯកឧត្តម ធូ ស៊ុន រដ្ឋលេខាធិការក្រសួង សង្គមកិច្ច អតីតយុទ្ធជន និងយុវនីតិសម្បទា ចូលរួមជាគណៈអធិបតីក្នុងពិធីបិទសន្និបាតបូកសរុបលទ្ឋផលការងារឆ្នាំ២០២៣ និងទិសដៅការងារឆ្នាំ២០២៤ របស់អគ្គនាយកដ្ឋានពន្ឋនាគារ ក្រោមអធិបតីភាព ឯកឧត្តម ម៉ៅ ច័ន្ទតារា រដ្ឋលេខាធិការប្រចាំការតំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ក្នុងពិធីនេះក៏មានការចូលរួមពីអគ្គនាយក អគ្គនាយករង ប្រធាន អនុប្រធាននាយកដ្ឋានជំនាញ ប្រធានមណ្ឌលកែប្រែរាជធានី ខេត្ត ការិយាល័យ ផ្នែកជំនាញចំណុះអគ្គពន្ឋនាគារ សរុបចំនួន ៣៥១នាក់។ ក្នុងឱកាសនេះក៏មានកម្មវិធីបំពាក់សក្ត័ថ្នាក់ឧត្តមអគ្គានុរក្ស ចំនួន ៤រូប និងបំពាក់ឥស្សរិយយសចំនួន ៨រូបផងដែរ៕