ភ្នំពេញ៖ នារសៀលថ្ងៃទី២០ ខែវិច្ឆិកា ឆ្នាំ២០២៣ ឯកឧត្តម ស៊ូនី វង្សវិសិដ្ឋ រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ប្រធានក្រុមប្រឹក្សាភិបាលនៃមូលនិធិជាតិជំនួយសង្គម និងជាអនុប្រធានប្រចាំការនៃគណៈកម្មការ តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈកម្មការ បានដឹកនាំកិច្ចប្រជុំគណៈកម្មការរៀបចំពិធីប្រកាសដាក់ឲ្យដំណើរការនូវគោលការណ៍ស្តីពី “ក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ” និង “ក្របខណ្ឌកិច្ចគាំពារសង្គមឆ្លើយតបនឹងគ្រោះអាសន្ន” ក្រោមអធិបតីភាពដ៏ខ្ពង់ខ្ពស់ សម្តេចបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដែលនឹងប្រព្រឹត្តិទៅនាពេលខាងមុខ។
កិច្ចប្រជុំនេះធ្វើឡើង ដើម្បីពិនិត្យវឌ្ឍភាពការងាររបស់អនុគណៈកម្មការនីមួយៗ និងពិភាក្សាលើផែនការងារបន្ត ក្នុងគោលដៅរៀបចំពិធីអោយប្រព្រឹត្តិទៅដោយរលូន និងជោគជ័យ៕
