កំពង់ឆ្នាំង÷ នាល្ងាច ថ្ងៃទី០៤ ខែធ្នូ ឆ្នាំ២០២៣ លោក ឈាង ចន្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា និងសហការី បានចុះសួរសុខទុក្ខនិងនាំយកអំណោយទៅផ្ដល់ជូនអតីតយុទ្ធជនមួយគ្រួសារ និងនាំមន្ត្រីបច្ចេកទេសទៅត្រួតពិនិត្យ ដើម្បីជួយធ្វើរទេះរុញជូនស្ត្រីមានពិការភាព ១គ្រឿងជាកូនស្រី អតីតយុទ្ធជនដែលរស់នៅក្នុងភូមិអណ្ដូងជ្រៃ ឃុំអណ្ដូងស្នាយ ស្រុករលាប្អៀរខេត្តកំពង់ឆ្នាំង។

លោក ជា សយ ជាអតីយុទ្ធជនមានពិការភាព អាយុ ៦៨ឆ្នាំ ប្រពន្ធឈឺស្លាប់ជាង ១០ឆ្នាំហើយ មានកូន ១២នាក់ បែកមានគ្រួសារ ៧នាក់ នៅលីវ ៥នាក់។ក្នុងនោះកូន ២នាក់កំពុងមានជំងឺនិងកូនប្រុសម្នាក់ទៀតជាមនុស្សគ។

អំណោយឧបត្ថម្ភរួមមានអង្ករ ២៥គីឡូ មី ១កេស ទឹកសុទ្ធ ១កេស ត្រីទឹក ១យួរ កន្ទេល១ សារុង១ និងថវិកា ៥ម៉ឺនរៀលផងដែរ៕