កំពង់ឆ្នាំង÷ ព្រឹកថ្ងៃទី០៦ ខែធ្នូ ឆ្នាំ២០២៣ លោក យិន សាវ៉េន អភិបាលរងខេត្ត និងសហការី បាននាំអំណោយ ជូនដល់គ្រួសារមានពិការភាពឈ្មោះ ជា សយ អាយុ ៦៨ឆ្នាំ មានកូនក្នុងបន្ទុក ៥នាក់ មានជំងឺចំនួន ៣នាក់មានទីលំនៅនៅឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង។

អំណោយរបស់លោកជំទាវបណ្ឌិត វណ្ណ លុយ ដែលបានផ្តល់ជូន នាពេលនេះក្នុងមួយគ្រួសារទទួលបានអង្ករ ៥០គីឡូ ក្រាមទឹកត្រី៣យួរ ទឹកស៊ីវអ៉ីវ ៣យួរ មី ២កេស ត្រីខ ២យួរ និងថវិកា ៣៥ម៉ឺនរៀល។

ដោយឡែកព្រះសីលាភិរ័ត ហែម ឡូត ព្រះវិន័យធរគណខេត្តកំពង់ឆ្នាំងបានឧបត្ថម្ភបច្ច័យ ១០ម៉ឺនរៀល និងមន្ទីរសង្គមកិច្ចអតីតយុទ្ធ និងយុវនីតិសម្បទាខេត្តកំពង់ឆ្នាំង បានឧបត្ថម្ភ រទេះរុញមួយគ្រឿង និងឈើច្រត់ ២ផងដែរ៕