កំពង់ឆ្នាំង÷ ព្រឹកថ្ងៃទី១១ ខែតុលា ឆ្នាំ២០២៣ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត សហការជាមួយរដ្ឋបាលស្រុកបរិបូណ៌ បានរៀបចំពិធីអបអរសាទរ ទិវាមនុស្សចាស់កម្ពុជាលើកទី២៥ និងអន្តរជាតិលើកទី៣៣ នឹងបាននាំយកអំណោយដ៏ថ្លៃថ្លារបស់ ឯកឧត្តម ជា សុមេធី រដ្ឋមន្រ្តីក្រសួង សង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន សម្រាប់ឧបត្ថម្ភក្នុងកម្មវិធីនេះ។

ពិធីនេះមានការអញ្ជើញជាអធិបតីភាពពី លោក អម សុភា អភិបាលរងខេត្ត តំណាងឯកឧត្តម ស៊ុន សុវណ្ណារឹទ្ធិ អភិបាល នៃគណៈអភិបាលខេត្ត លោកប្រធានក្រុមប្រឹក្សាស្រុក លោកអភិបាលស្រុក អភិបាលរងស្រុក កងកម្លាំងស្រុកទាំងបីប្រភេទ និងលោក លោកស្រី ប្រធានការិយាល័យជុំវិញស្រុក សរុបចំនួន ១០៨នាក់៕