រាជធានីភ្នំពេញ៖ ថ្ងៃពុធ ទី២៥ ខែតុលា ឆ្នាំ២០២៣ លោក ឈឿង តារា ប្រធានការិយាល័យស្តារលទ្ធភាពពលកម្ម តំណាងលោក សាន់ រតនា ប្រធាននាយកដ្ឋានសុខុមាលភាពជនពិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជើញជាវាគ្មិនលើប្រធានបទ “ការកំណត់អត្តសញ្ញាណកម្មជនមានពិការភាព និងការផ្តល់បណ្ណជូនជនមានពិការភាព” ក្នុងកិច្ចប្រជុំបណ្តាញអង្គការតំណាងស្ដីពី “កិច្ចគាំពារសង្គមក្នុងចំណោមជនមានពិការភាព” ក្រោមអធិបតីភាព ឯកឧត្តម យោគ សាមឌី អគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម ដែលមានការចូលរួមពី ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួង អប់រំ យុវជន និងកីឡា ក្រសួងមហាផ្ទៃ ក្រសួងកិច្ចការនារី ក្រសួងផែនការ អគ្គលេខាធិការដ្ឋានក្រុមប្រឹក្សាជាតិគាំពារសង្គម អង្គការ GIZ និងអង្គការដៃគូរពាក់ព័ន្ធនានា សរុបចំនួន ១១២នាក់ ដែលរៀបដោយអង្គការជនពិការកម្ពុជា នៅសណ្ឋាគារសាន់វ៉េ រាជធានីភ្នំពេញ។

កិច្ចប្រជុំមានគោលបំណង ទី១. ប្រមូលធាតុចូលនៃបញ្ហា និងតម្រូវការជាក់ស្តែងរបស់ជនមានពិការភាពទទួលបានពីកិច្ចគាំពារសង្គម និងធ្វើបច្ចុប្បន្នភាព
ព័ត៌មាន បញ្ហា និងតម្រូវការរបស់ជនមានពិការភាពដើម្បីទទួលបានអត្ថប្រយោជន៍ផ្សេងៗពី ជំនួយសង្គម និងសន្តិសុខ
របស់រដ្ឋាភិបាល ទី២. អង្គការតំណាង លើកឡើងនូវសមិទ្ធិផលសំខាន់ៗ ស្តីពីកិច្ចគាំពារសង្គមដែលឆ្លើយតបទៅនឹងការជួយជនមានពិការភាព ក្នុងឆ្នាំកន្លងមក រហូតដល់បច្ចុប្បន្ន ដើម្បីពិនិត្យលើភាពចន្លោះប្រហោង និងធ្វើឱ្យកាន់តែប្រសើ នៅពេលខាងមុខ និង៣. បង្កើតយន្តការ និងគន្លឹះសំខាន់ៗ ដែលស្វែងរកធាតុចូលដោយ អង្គការតំណាង ទៅកាន់ដៃគូរ រដ្ឋាភិបាល អង្គការសង្គមស៊ីវិល អង្គការក្រៅរដ្ឋាភិបាល និងភាគីពាក់ព័ន្ធបន្ទាប់ពីការផ្ទេ សាច់ប្រាក់ និងសេវាផ្សេងទៀតបានផុតកំណត់៕