បន្ទាយមានជ័យ÷ ថ្ងៃទី០១ ខែវិច្ឆិកា ឆ្នាំ២០២៣ វេលាសៀលម៉ោង ១៤:៣០នាទីរសៀល លោក ឃុន វុទ្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបន្ទាយមានជ័យ បាននាំយកអំណោយដ៏ថ្លៃថ្លារបស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ចែកជូនប្រជាពលរដ្ឋរងគ្រោះដោយទឹកជំនន់នៅឃុំចង្ហា ស្រុកអូរជ្រៅ ខេត្តបន្ទាយមានជ័យ។
ពិធីនេះប្រារព្ធឡើងក្រោមអធិបតីភាព ឯកឧត្តម លី សុវណ្ណរិទ្ធិ អភិបាលស្តីទីខេត្តបន្ទាយមានជ័យ ដែលមានប្រជាពលរដ្ឋរងគ្រោះចំនួន ៦០គ្រួសារ ក្នុង១គ្រួសារទទួលបាន អង្ករ ២៥គីឡូ មី ១កេស ទឹកស៊ីអ៉ីវ ១យួរ ទឹកត្រី ១យួរ ត្រីខ១យួរ៕
