ត្បូងឃ្មុំ÷ នាព្រឹកថ្ងៃពុធ ទី១៣ ខែធ្នូ ឆ្នាំ២០២៣ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តត្បូងឃ្មុំ សហការជាមួយសាខាកាកបាទក្រហមកម្ពុជាខេត្តត្បូងឃ្មុំ បានប្រារព្ធទិវាជនមានពិការភាពទី២៥ និងអន្តរជាតិលើកទី៤១ ក្រោមប្រធានបទ “ដំដោះស្រាយប្រកបដោយនវានុវត្តន៏ដើម្បីសង្គមមួយមានផាសុកវត្ថុនិងសមធម៌” និងពិធីចែកអំណោយដល់ជនមានពិការភាពទីទ័លក្របំផុតតាមមូលដ្ឋាន ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ ដែលមានអ្នកចូលរួមសរុបចំនួន ៣០០នាក់ មកពីឃុំចុងជាច និងឃុំគោកស្រុក ស្រុកតំបែរ ខេត្តត្បូងឃ្មុំ ក្នុងម្នាក់ៗទទួលបាន អង្ករ ១បាវ ២៥គ.ក្រ មី ១កេះ ត្រីខ ១យួរ ទឹកសុីអុីវ ១យួរ ប្រេងឆា ១ដប និងថវិកា ២០ ០០០រៀល៕