បន្ទាយមានជ័យ÷ ថ្ងៃទី១៥ ខែធ្ន ឆ្នាំ២០២៣ ឯកឧត្តម រឿន រិទ្ធីរ័ត្ន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកិច្ចការរដ្ឋបាលនិងហិរញ្ញវត្ថុ និងជាប្រធានក្រុមប្រឹក្សាភិបាលមូលនិធិជនពិការ អមដំណើរដោយ ឯកឧត្តម ខុម ផលលឿន ប្រតិភូរាជរដ្ឋាភិបាលកម្ពុជាទទួលបន្ទុកជានាយកមូលនិធិជនពិការ លោកប្រធានមន្ទីរស.អ.យខេត្ត លោកអភិបាលស្រុក សាខាមូលនិធិជនពិការ និងអាជ្ញាធរមូលដ្ឋាន បានចុះផ្ទះប្រគល់ជូននេះ មានទំហំ៤គុណនឹង៦ម៉ែត្រ ធ្វើពីថ្មប្រក់ស័ង្កសី ត្រូវបានប្រគល់ជូនជនមានពិការភាពមានឈ្មោះ លោក ឆន ណាម ភេទប្រុស អាយុ ៤៥ឆ្នាំ ជាជនពិការភាពសតិបញ្ញាដោយសារគ្រោះថ្នាក់ការងារប៉ះពាល់ក្បាលធ្ងន់ធ្ងរ។

ថ្លែងក្នុងកម្មវិធីនេះ ឯកឧត្តមប្រធានក្រុមប្រឹក្សាភិបាល មានប្រសាសន៍ថា សម្រាប់ខេត្តបន្ទាយមានជ័យ នេះគឺជាផ្ទះទី៤ហើយ ដែលម.ជ.ព.បានសាងសង់ជូនជនមានពិការភាពក្រីក្រ។ គិតមកដល់ពេលនេះម.ជ.ព. បានសាងសង់ផ្ទះបាន ៤៧ខ្នង ហើយគិតពីឆ្នាំ២០១៩មក ហើយនេះជាផ្ទះទី៤៥ហើយ ដែលបានប្រគល់ជាផ្លូវការ។ សម្រាប់ផ្ទះដែលសេសសល់ ម.ជ.ព.នឹងបន្តចុះប្រគល់ទទួលជាបន្តបន្ទាប់។

ក្នុងពិធីនេះដែរ ម.ជ.ព.ក៏បានពាំនាំនូវកញ្ចាប់អំណោយរួមមាន៖ អង្ករ ២៥គ.ក មី ១កេះ ទឹកត្រី ១យួរ ទឹកស៊ីអ៉ីវ ១យួរ ត្រីខកំប៉ុង ២យួរ អំបិល ២កញ្ចប់ ថវិកា ១០ម៉ឺនរៀល និងចូលរួមរំលែកនូវកញ្ចប់អំណោយផ្សេងៗពីមន្ទីរស.អ.យខេត្ត សាលារដ្ឋបាលស្រុកសម្រាប់ផ្តល់ជូនគ្រួសារលោក ឆន ណាម ដើម្បីសម្រួលដល់ជីវភាព៕