នៅទីស្តីការក្រសួង:- នៅរសៀលថ្ងៃពុធ ៦រោច ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ៣១ ខែមករា ឆ្នាំ២០២៤ ឯកឧត្តម ឌីន បូរី អគ្គនាយកសេវាសង្គមកិច្ច បានដឹកនាំកិច្ចប្រជុំ ដោយផ្អែកតាមលិខិតលេខ0205/252 ចុះថ្ងៃទី១៨ ខែមករា ឆ្នាំ២០២៤ របស់ក្រសួងអភិវឌ្ឍន៍សង្គម និងសន្តិសុខមនុស្ស នៃប្រទេសថៃ ពាក់ព័ន្ធនឹងការបញ្ជូនកុមារចំនួន១០រូប ពីប្រទេសថៃ ដោយមានការអញ្ជើញចូលរួម ប្រធាននាយកដ្ឋានគាំពារជនរងគ្រោះ ប្រធាននាយកដ្ឋានកិច្ចការពារកុមារ និងតំណាងអង្គការយូនីសេហ្វ ក្នុងគោលបំណងដេីម្បីផ្តល់សេវាកិច្ចការពារ និងថែទាំ ព្រមទាំងការកំណត់អត្តសញ្ញាណកុមារទាំង១០រូបនោះ ដេីម្បីសមាហរណកម្មពួកគេទៅកាន់គ្រួសារវិញ។
