ខេត្ដបន្ទាយមានជ័យ៖ នៅព្រឹកថ្ងៃសុក្រ ១៤កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែកុម្ភៈ ឆ្នាំ២០២៤
ឯកឧត្ដម ឌីន បូរី អគ្គនាយក នៃអគ្គនាយកដ្ឋានសេវាសង្គកិច្ច នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំកិច្ចប្រជុំពិភាក្សាជាមួយរដ្ឋបាលខេត្ដបន្ទាយមានជ័យ គ.ក.ស.ក ខេត្ត មន្ទីរ ស.អ.យ ខេត្ត រដ្ឋបាលក្រុង ស្រុកពាក់ព័ន្ធ និងអង្គការដៃគូពាក់ព័ន្ធ ដើម្បីចុះប្រមូលព័ត៌មានរបស់កុមាររងគ្រោះ ដែលបានបញ្ជូនមកពីក្រសួងអភិវឌ្ឍសង្គម និងសន្តិសុខមនុស្ស របស់ប្រទេសថៃ។
កិច្ចប្រជុំនេះ មានគោលបំណងស្វែងរកដំណោះស្រាយ និងការគាំទ្រដើម្បីផ្តល់សេវាដែលជាតម្រូវការចាំបាច់នានា ពិសេស ការគិតគូអំពីឧត្តមប្រយោជន៍កុមារជាចម្បង។
ក្រោយបញ្ចប់កិច្ចប្រជុំ ឯកឧត្តមអគ្គនាយកសេវាសង្គមកិច្ច និងក្រុមការងារបានចុះសួរសុខទុក្ខកុមារងគ្រោះ និងបានកញ្ចប់ឃីដ ជូនដល់កុមាររងគ្រោះដែលកំពុងស្នាក់នៅក្នុងមណ្ឌលថែទាំផងដែរ។
