ខេត្តមណ្ឌលគិរី ៖ ថ្ងៃទី១៤-១៥ ខែមីនា ឆ្នាំ២០២៤ រដ្ឋបាលខេត្តមណ្ឌលគិរី បានរៀបចំកិច្ចប្រជុំជាមួយក្រុមការងាររបស់ក្រុមប្រឹក្សាសកម្មភាពជនពិការខេត្ត ដើម្បីស្វែងយល់អំពីវឌ្ឍនភាពការងារ និងការអនុវត្តបទដ្ឋានបចេ្ចកទេស ផាសុកវត្ថុ នៅតាមទីសាធារណៈ ក្នុងខេត្តមណ្ឌលគិរី ក្រោមអធិបតីភាព លោកជំទាវ វិន ស៊ីធួន អភិបាលរងខេត្ត និងលោក ឈន អក្ខរា ប្រធានផ្នែកអភិវឌ្ឍសេវាពិការភាព តំណាងអគ្គលេខាធិការដ្ឋានក្រុមប្រឹក្សាសកម្មភាពជនពិការ ដោយមានការចូលរួមពីលោក ខឹម សុផុន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី លោក លោកស្រី នាយករងរដ្ឋបាលសាលាខេត្ត កងកម្លាំងប្រដាប់អាវុធទាំងបីប្រភេទ លោក លោកស្រី ប្រធាន/អនុប្រធានមន្ទីរអង្គភាពជុំវិញខេត្តដែលមានអ្នកចូលរួម ៣១នាក់ កិច្ចប្រជុំនេះប្រព្រឹត្តទៅនៅសាលប្រជុំសាលាខេត្តមណ្ឌលគិរី។
ក្នុងនោះដែរលោកជំទាវបានណែនាំដល់បណ្តាមន្ទីរ អង្គភាព ត្រូវតែគិតគូរដល់ផាសុកវត្ថុនៅតាមមន្ទីរអង្គភាពរៀងៗខ្លួន និងបានចុះពិនិត្យតាមទីសាធារណៈក្នុងការបង្កលក្ខណៈងាយស្រួលសម្រាប់ជនមានពិការភាពក្នុងក្រុងសែនមនោរម្យ។
