ខេត្តសៀមរាប ៖ ថ្ងៃចន្ទ ១រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ ខែមីនា ឆ្នាំ២០២៤ ឯកឧត្តម តូច ចាន់នី រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានចូលរួមជាអធិបតីក្នុងកិច្ចប្រជុំបូកសរុបវឌ្ឍនភាពនៃការអនុវត្តគម្រោងអភិវឌ្ឍការទុកដាក់កុមារក្នុងគ្រួសារនៅកម្ពុជា ដែលរៀបចំដោយអង្គការ Care for Children សហការជាមួយក្រសួង និងមន្ទីរ ស.អ.យ ខេត្តសៀមរាប ដោយមានការចូលរួមពីលោកជំទាវប្រធានគ.ក.ស.ក ខេត្ត ប្រធាន និងមន្ត្រីជំនាញមន្ទីរស.អ.យ អភិបាលស្រុក គ.ក.ស.ក ស្រុក និងប្រធានមណ្ឌលកុមារកំព្រាខេត្ត សរុប៖ ៤៤នាក់ ស្រី១៦នាក់ ។
គោលបំណង៖ បង្ហាញពីវឌ្ឍនភាពការអនុវត្តគម្រោងអភិវឌ្ឍការទុកដាក់កុមារក្នុងគ្រួសារនៅកម្ពុជា បញ្ហាប្រឈម ទិសដៅបន្ត និង អបអរសាទរចំពោះករណីដំបូងដែលបានទុកដាក់កុមារក្នុងគ្រួសារធម៌ និងថ្លែងអំណរគុណដល់អ្នកពាក់ព័ន្ធដែលចូលរួមអនុវត្តគម្រោង។
