ខេត្តសៀមរាប ៖ ថ្ងៃ ចន្ទ ៣រោច ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៤ ខែ មិថុនា ឆ្នាំ២០២៤ ឯកឧត្តម នាក់ ណេរ៉ុន អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្ត បានចូលរួមជាគណៈអធិបតីក្នុងពិធី “អបអរសាទរខួបលើកទី១៧ នៃទិវាអតីតយុទ្ធជន ២១ មិថុនា” ដែលរៀបចំឡើងដោយ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តសៀមរាប នៅរដ្ឋបាលសាលប្រជុំធំខេត្ត ដែលមានការអញ្ជើញចូលរួមពីលោកឧត្តមសេនីយ៍ទោ ហួត សុធី ស្នងការនៃស្នងការដ្ឋានគនរបាល និងជាប្រធានសមាគមអតីតយុទ្ធជនខេត្តសៀមរាប លោក គង់ សំអឿន ប្រធានមន្ទីរ ស.អ.យ. ខេត្តសៀមរាប លោកវរៈសេនីយ៍ឯក ឈុប ឆើត មេបញ្ជាការងតំបន់ប្រតិបត្តិការសឹករងខេត្ត លោកវរៈសេនីយ៍ឯក ទ្បុញ ឫទ្ធី មេបញ្ជាការរងកងរាជអាវុធហត្ថខេត្ត លោកអភិបាល និងអធិការនគរបាល ក្រុង ស្រុក ទាំង១៣ ប្រធានមន្ទីរអង្គភាព នានាជុំវិញខេត្ត បានអញ្ជើញចូលរួមប្រមាណ ៣០នាក់ និងអតីតយុទ្ធជនចំនួន ២៥០នាក់ ដោយអតីតយុទ្ធជនម្នាក់ៗទទួលបាន ទឹកសុទ្ធ១ដប សារ៉ុង ១ សាប៊ូដុំ១ដុំ និងថវិកា៣ ម៉ឺនរៀល។