ទីស្តីការក្រសួង ៖ នារសៀលថ្ងៃទី២៦ ខែមិថុនា ឆ្នាំ២០២៤ ឯកឧត្តម នួម សុខុន អនុរដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ព្រមទាំងឯកឧត្តមអនុរដ្ឋលេខាធិការ៣រូបទៀតគឺឯកឧត្តម វីរ៉ូ សុរាជ ឯកឧត្តម ឡាយ ព្រហស្ថហនុរាម និង ឯកឧត្តម ឈឹម វាសនា និងមន្ត្រីជំនាញលេខាធិការដ្ឋាន បានប្រជុំពិភាក្សាលើការរៀបចំផែនការឌីជីថលរបស់ក្រសួង ស.អ.យ. ២០២៤-២០២៨ ដោយអនុលោមតាម សកម្មភាពការងារអាទិភាពចំពោះមុខរបស់អគ្គលេខាធិការដ្ឋានរដ្ឋាភិបាលឌីជីថលចំនួន៥គឺ៖
១. ការដាក់ឱ្យប្រើប្រាស់ថ្នាលផ្ទៀងផ្ទាត់ឯកសារ verify.gov.kh និងថ្នាល ឬសេវារដ្ឋាភិបាលឌីជីថលសំខាន់ៗ
២. ការរៀបចំបណ្តាញហេដ្ឋារចនាសម្ព័ន្ធ និងតភ្ជាប់ប្រព័ន្ធអ៊ិនធឺណិត
៣. ការបណ្តុះបណ្តាលមន្ត្រីក្រោមឱវាទក្រសួងទាក់ទងនឹងជំនាញឌីជីថល
៤. ការអភិវឌ្ឍបច្ចេកវិទ្យាឌីជីថលសម្រាប់ក្រសួង ក្នុងការលើកកម្ពស់គុណភាពនៃការផ្តល់សេវាសាធារណៈ
៥.ការបំពាក់ឧបករណ៍ព័ត៌មានវិទ្យាឌីជីថល និងការបញ្ចូលសុសវែរដែលមានអាជ្ញាបណ្ណ។
