ខេត្តពោធិ៍សាត់ ៖ ថ្ងៃពុធ ៥ កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ កុមារនៅក្នុងគ្រួសារក្រីក្រ ដើរបេះបន្លែត្រកួន រកក្តាមខ្យងដើម្បីចិញ្ចឹមជីវិត និងមានការណែនាំពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តពោធិ៍សាត់ បានសហការជាមួយអង្គការម្លប់ឬស្សី ដោយមានការចូលរួមពីរដ្ឋបាលស្រុកភ្នំក្រវ៉ាញ រដ្ឋបាលឃុំបាក់ចិញ្ចៀន និងអាជ្ញាធរភូមិកំពុងខ្ទម បានចុះជួបកុមារ និងគ្រួសារ ដើម្បីសិក្សាស្វែងយល់អំពីស្ថានភាពជាក់ស្តែង និងតម្រូវការសេវាចាំបាច់។

ក្នុងឱកាសនេះដែរ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តពោធិ៍សាត់ និងអង្គការម្លប់ឬស្សី បានផ្តល់ជំនួយអំណោយជាកញ្ចប់ស្បៀងអាហារ និងសម្ភារៈសិក្សា ព្រមទាំងបានធ្វើការអប់រំដល់កុមារ និងគ្រួសារ អំពីការឆបោករបស់ជនទុច្ចរិតមួយចំនួនដែលឆ្លៀតឱកាសកេងប្រវ័ញ្ចលើកុមារ។

តែទោះយ៉ាងណាក៏ដោយ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តពោធិ៍សាត់ សហការជាមួយអង្គការម្លប់ឬស្សី បានរៀបចំផែនការករណី ដើម្បីជួយអន្តរាគមន៍ និងផ្តល់សេវាគាំទ្រដល់កុមារនិងគ្រួសារ ឱ្យទទួលបាននូវស្ថានភាព ល្អប្រសើ និងឲ្យមានសុវត្ថិភាព ។