ទីក្រុងបាងកក ៖ នៅថ្ងៃសុក្រ ៧កើត ខែអាសឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១២ ខែកក្កដា ឆ្នាំ២០២៤ លោក អគ្គនាយករង នៃអគ្គនាយកដ្ឋានសេវាសង្គមកិច្ច នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំប្រតិភូ នៃព្រះរាជាណាចក្រកម្ពុជា ចូលរួមស្វែងយល់ និងដកស្រង់បទពិសោធល្អៗអំពីការកំណត់អត្តសញ្ញាណជនរងគ្រោះ ដោយអំពើជួញដូរមនុស្ស ជាមួយក្រសួងសន្តិសុខ និងអភិវឌ្ឍសង្គម ប្រទេសថៃ ដោយមានការសម្របសម្រួលដោយ ទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (JICA)ប្រចាំប្រទេសថៃ។
កិច្ចប្រជុំនេះមានគោលបំណងស្វែងយល់អំពីយន្តការបញ្ជូនជនរងគ្រោះថ្នាក់ជាតិ នៃព្រះរាជាណាចក្រថៃ និង ចែករំលែកបទពិសោធអនុវត្តល្អផងដែល។ បន្ទាប់មកប្រតិភូកម្ពុជាបានបន្តជួបជាមួយនាយិកាអង្គការ TICA ប្រចាំប្រទេសថៃ និងក្រុមការងារ ដើម្បីពិនិត្យអំពីវឌ្ឍនភាព និងដំណើរការជួយដល់ជនរងគ្រោះដោយអំពើជួញដូរមនុស្ស នៃមជ្ឈមណ្ឌលសំចត និងស្តារនីតិសម្បទាជនរងគ្រោះ ប៉ោយប៉ែត ។