ខេត្តព្រះសីហនុ៖ ថ្ងៃចន្ទ ដល់សុក្រ ១១-១៤ កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៥ ដល់១៩ ខែកក្កដា ឆ្នាំ២០២៤

ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រី នៃក្រសួងសង្គមកិច្ច អតីតយុទ្ធជន និងយុវនីតិសម្បទា និងការណែនាំពីឯកឧត្តមរដ្ឋលេខាធិការទទួលបន្ទុក ឯកឧត្តម នួម សុខុន អនុរដ្ឋលេខាធិការ និងជាអនុប្រធានគណៈកម្មការដឹកនាំសម្របសម្រួលកិច្ចសហប្រតិបត្តិការរវាងក្រសួងសង្គមកិច្ច និងUNICEF បានដឹកនាំមន្ត្រីជំនាញពីនាយកដ្ឋានការពារកុមារ នាយកដ្ឋានបុគ្គលិក នាយកដ្ឋានហិរញ្ញវត្ថុ និងមានការចូលរួមពីតំណាងUNICEF ចុះជួបថ្នាក់ដឹកនាំមន្ទីរសង្គមកិច្ច អតីតយុទ្ធជន និងយុវនីតិសម្បទា ការិយាល័យជំនាញ និងបុគ្គលិកសង្គម នៅខេត្តជាប់មាត់សមុទ្រចំនួន ៣ គឺខេត្តព្រះសីហនុ ខេត្តកំពត និងខេត្តកែប ។

គោលបំណងនៃការចុះសិក្សារួមគ្នាជាមួយUNICEF នេះគឺដើម្បី សិក្សាស្វែងយល់ពីការបំពេញភារកិច្ច លទ្ធផលការងារ និងបញ្ហាប្រឈមនានារបស់បុគ្គលិកសង្គម និងចងក្រងឯកសារគាំទ្រ សម្រាប់ផែនការ
ធនធានមនុស្ស និង ពង្រឹង និងពង្រីកកិច្ចសហប្រតិបត្តិរវាងក្រសួងសង្គមកិច្ច និងUNICEFលើកិច្ចការពារកុមារ។