ខេត្តព្រះសីហនុ៖ ថ្ងៃពុធ ១១ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣១ខែកក្កដា ឆ្នាំ២០២៤ មន្ទីរសង្គមកិច្ច អតីតយុទ្ធជន និង យុវនីតិសម្បទា ខេត្តព្រះសីហនុ ដឹកនាំដោយលោក កង សារឹម អនុប្រធានមន្ទីរ តំណាងលោក សម សភា ប្រធានមន្ទីរ ចុះសួរសុខទុក្ខ និងនាំយកកញ្ចប់ស្បៀងអាហារចែកជូនដល់គ្រួសារក្រីក្រដែលរងគ្រោះដោយភ្លើងឆេះរទេសរកស៊ី(របរកាត់សក់) និងជាកន្លែងស្នាក់នៅអចិន្ត្រៃយ៍ នៅភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ រងការខូចខាតទាំងស្រុងនូវសំភារៈប្រើប្រាស់ សំភារៈរកស៊ី និងឯកសារអត្តសញ្ញាណផ្សេងៗ តែមិនមានមនុស្សរងគ្រោះថ្នាក់ទេដោយពេលនោះក្រុមគ្រួសាររងគ្រោះបានកំពុងដេកសម្រាកព្យាបាលជំងឺនៅមន្ទីរពេទ្យ បង្អែក (ពេទ្យចំការចេក) មូលហេតុនៃការឆេះ បណ្តាលមកពីឆ្លងចរន្តអគ្គិសនី។
អំណោយដែលបានផ្តល់ជូនរួមមាន៖ អង្ករ ២៥គីឡូក្រាម ទឹកសុទ្ធ១កេស ទឹកត្រី ១យួរ ទឹកស៊ីអ៊ីវ ១យួរ ត្រីខ ១យួរ ប្រេងឆា ១ដប មី ១កេស។
