ឯកឧត្តម ជា សុមេធី រដ្ឋមន្ត្រីក្រសួង ស.អ.យ និងលោកជំទាវ ជា ផល្គុន ព្រមទាំងឯកឧត្ដម អ៊ុយ រី ប្រធានក្រុមប្រឹក្សាខេត្ត និងឯកឧត្ដម សុខ លូ អភិបាលនៃគណៈអភិបាលខេត្តបាត់ដំបង ព្រមទាំងថ្នាក់ដឹកនាំក្រសួង ស.អ.យ. បានធ្វើទស្សនកិច្ចមជ្ឈមណ្ឌលស្ដារលទ្ធភាពពលកម្មកាយសម្បទាខេត្តបាត់ដំបង ដោយបានជួបសំណេះសំណាល និងចែកអំណោយជូនជនពិការចំនួន ៥០នាក់ ដែលមកទទួលសេវាស្ដារលទ្ធភាពពលកម្មកាយសម្បទា និងបន្តពិនិត្យមជ្ឈមណ្ឌលស្ដារលទ្ធភាពពលកម្មកាយសម្បទា មជ្ឈមណ្ឌលសំចតសង្គមកិច្ច និងមជ្ឈមណ្ឌលស្ដារលទ្ធភាពពលកម្មអ្នកជម្ងឺរបួសខួរឆ្អឹងខ្នងខេត្តបាត់ដំបង ដោយជួបសំណេះសំណាល និងចែកអំណោយជូនអ្នកជម្ងឺ ចំនួន ១៩នាក់ ដែលមកទទួលសេវាស្ដារលទ្ធភាពពលកម្មកាយសម្បទា នៅមជ្ឈមណ្ឌលស្ដារលទ្ធភាពពលកម្មអ្នកជម្ងឺរបួសខួរឆ្អឹងខ្នងផងដែរ។

ក្រុងបាត់ដំបង ខេត្តបាត់ដំបង ព្រឹកថ្ងៃចន្ទ ១៦ កញ្ញា ២០២៤