រាជធានីភំ្នពេញ ៖ ថ្ងៃព្រហស្បតិ៍ ២រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ ដោយបានទទួលការអនុញ្ញាតដ៏ខ្ពង់ខ្ពស់ពី ឯកឧត្ដម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ម៉ែន សុចិត្រ រដ្ឋលេខាធិការ បានអញ្ជើញជាអធិបតីភាព ក្នុងពិធីបើកវគ្គបណ្ដុះបណ្ដាលស្តីពីការអនុវត្តផែនការអចន្រៃ្តយ៍សម្រាប់កុមារតាមរយៈស្មុំកូនប្រទេស ដល់មន្រ្តីក្រសួង និងមន្ទីរ ស.អ.យ. ទំាង២៥ រាជធានី ខេត្ត និងអង្គការពាក់ព័ន្ធ ដែលមានអ្នកចូលរួមសរុបចំនួន ៨៤នាក់ ស្រី ២៨នាក់។

វគ្គបណ្តុះបណ្តាលនេះត្រូវបានរៀបចំឡេីងដោយទទួលបានការគាំទ្រពីអង្គការ Holt International និងអង្គការ CIFA, CIAI ក្នុងគោលបំណងដេីម្បី៖

១.ផ្តល់ចំណេះដឹងទាក់ទងក្របខ័ណ្ឌច្បាប់ គោលនយោបាយ នីតិវិធី និងទម្រង់បែបបទនៃការអនុវត្តស្មុំកូនក្នុងប្រទេស ។ ២.ចែករំលែកមេរៀនបទពិសោធន៍អំពីការអនុវត្តការងារស្មុំកូនដែលជោគជ័យ ។

៣.ពង្រឹងកិច្ចសហការជាមួយអ្នកពាក់ព័ន្ធ និងរៀបចំផែនការអនុវត្តការងារស្មុំកូនក្នុងប្រទេសសម្រាប់មន្ទីរ ស.អ.យ. រាជធានី ខេត្ត៕