រាជធានីភ្នំពេញ៖ នៅសណ្ឋាគារកាំបូឌីយ៉ាណា ថ្ងៃអង្គារ ៥រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២២ ខែតុលា ឆ្នាំ២០២៤ ទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា
ឯកឧត្តម មុំ ប៊ុនថន រដ្ឋលេខាធិការ បានដឹកនាំបើកសិក្ខាសាលា ពិនិត្យនិងពិគ្រោះយោបល់លើសេចក្តីព្រាងលើកទី២ នៃគោលការណ៍ណែនាំស្តីពី ការបង្កើតនិងគ្រប់គ្រងសមាគមមនុស្សចាស់និងអន្តរជំនាន់-ពហុមុខងារ ដោយមានការចូលរួមពី ឯកឧត្តម អនុរដ្ឋលេខាធិការ ឯកឧត្តម អគ្គនាយក នៃអគ្គនាយកដ្ឋានគោលនយោបាយ លោកស្រី អគ្គនាយករងនៃអគ្គនាយកដ្ឋានសេវាសង្គមកិច្ច លោកប្រធាន នាយកដ្ឋានមនុស្សចាស់និងអតីតយុទ្ធជន លោក លោកស្រី តំណាងក្រសួងស្ថាប័នទាំង៣០,នាយកប្រតិបត្តិអង្គការមនុស្សចាស់កម្ពុជា និងសហការី លោកស្រីតំណាងកម្មវិធីអភិវឌ្ឍន៍សហប្រជាជាតិប្រចាំកម្ពុជា និងសហការី និងក្រុមការងារ នៃនាយកដ្ឋានមនុស្សចាស់ និងអតីតយុទ្ធជន។គោលបំណង៖ ប្រមូលធាតុចូលបន្ថែមលើសេចក្តីព្រាងលើកទី២ នៃគោលការណ៍ណែនាំស្តីពីការបង្កើតនិងគ្រប់គ្រងសមាគមមនុស្សចាស់និងអន្តរជំនាន់-ពហុមុខងារ៕
