ខេត្តបាត់ដំបង៖ ថ្ងៃពុធ ៦រោច ខែអស្សុជ ឆ្នាំរោង ឆស័កព.ស.២៥៦៨ ត្រូវនឹង ថ្ងៃទី២៣ ខែតុលា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម យៀប ម៉ាលីណូ ជាតំណាង ឯកឧត្តម ស៊ូនី វង្សវិសិដ្ឋ រដ្ឋលេខាធិការ ក្នុងពិធីបើកនិងដឹកនាំ «សិក្ខាសាលាផ្សព្វផ្សាយ និងពង្រឹងសមត្ថភាពស្ថាប័នក្រោមក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ឆ្នាំ២០២១-២០៣៥ និងគោលនយោបាយរដ្ឋាភិបាលឌីជីថល ឆ្នាំ២០២២-២០៣៥»។

អង្គសិក្ខាសាលា បានបង្ហាញអំពីប្រព័ន្ធមួយចំនួនដូចជា

១.ប្រព័ន្ធគ្រប់គ្រងករណីសេវាសង្គមកិច្ចរួម

២.ប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងពិការភាព ៣.ប្រព័ន្ធឌីជីថលរបស់មូលនិធិជាតិជំនួយសង្គម

៤.ប្រព័ន្ធគ្រប់គ្រងករណីកុមារតាមបច្ចេកវិទ្យា (Premero) ជូនដល់អង្គភាពទាំងអស់ដែលបានអញ្ជើញចូលរួម និងជាពិសេសបញ្ច្រាបនិងពង្រឹងសមត្ថភាពមន្ត្រីនៅតាមរាជធានីខេត្ត។

សិក្ខាសាលានេះមានសមាសភាពចូលរួម ពី ឯកឧត្តមអគ្គលេខាធិការនៃអគ្គលេខាធិការក្រុមប្រឹក្សាសកម្មភាពជនពិការ លោកជំទាវអភិបាលរងខេត្ត លោកអគ្គនាយករងមូលនិធិជាតិជំនួយសង្គម លោក លោកស្រីប្រធានឬតំណាង មន្ទីរស.អ.យ. ទាំង២៥រាជធានី ខេត្ត លោកប្រធាននាយកដ្ឋាន តំណាងមណ្ឌលបុរីកុមារកំព្រាខេត្តបាត់ដំបងទី១ និងទី២ អង្គការចំនួន១៩ នៅក្នុងខេត្តបាត់ដំបង និងសមាជិក សមាជិកាក្រុមការងារសរុប១០៥នាក់ ស្រី២៨នាក់។