រសៀលថ្ងៃទី២៤ ខែតុលា ឆ្នាំ២០២៤ ឯកឧត្តម ញឹក វណ្ណារ៉ា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញ ចូលរួមក្នុងកិច្ចប្រជុំពិភាក្សាកម្រិតបច្ចេកទេសករណីពពោះជំនួសរបស់ស្ត្រីជនជាតិហ្វីលីពីននៅ
កម្ពុជា នាទីស្តីការក្រសួងមហាផ្ទៃ។
សូមជម្រាបជូនថា មានករណីស្ត្រីពពោះជំនួសជាជនជាតិហ្វីលីពីនចំនួន១៣នាក់ ហើយស្ថាន ទូតហ្វីលីពីនមានបំណងនាំស្ត្រីទាំងនោះត្រឡប់ទៅប្រទេសខ្លួនវិញ ដើម្បីចង់ឲ្យកូនដែលនៅ
ក្នុងផ្ទៃរបស់ពួកគេកើតមកមានសញ្ជាតិរបស់ខ្លួន ដែលកិច្ចប្រជុំនាពេលនេះគឺមានគោលបំណង ឲ្យគណះកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ.) គប្បីកំណត់នីតិវិធី និង របៀបរបបការងារច្បាស់លាស់ស្របតាមច្បាប់កម្ពុជា ដោយក្រសួង និងអង្គភាពពាក់ព័ន្ធចាំបាច់ ត្រូវឯកភាពគ្នា និងសហការគ្នាឲ្យបានល្អចៀសវាងភាពខ្វះចន្លោះ ដែលនាំឲ្យបរទេសគេចោទ ប្រកាន់មកលើកម្ពុជា។
កិច្ចប្រជុំនេះបានប្រព្រឹត្តទៅក្រោមការដឹកនាំដោយលោកជំទាវ ជូ ប៊ុនអេង រដ្ឋលេខាធិការក្រសួង មហាផ្ទៃ និងមានការអញ្ជើញចូលរួមពីសំណាក់ ឯកឧត្តម លោកជំទាវ និងមន្ត្រីពាក់ព័ន្ធសរុប ចំនួន ២៧នាក់៕
