ទីស្តីការក្រសួងសង្គមកិច្ច៖ នាព្រឹកថ្ងៃចន្ទ ទី២៦ ខែឧសភា ឆ្នាំ២០២៥ ឯកឧត្ដម អុល រ៉ូ រដ្ឋលេខាធិការ និងជាអនុប្រធានគណៈកម្មាធិការដឹកនាំកំណែទម្រង់វិមជ្ឈការនិងវិសហមជ្ឈការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតីបើក កិច្ចប្រជុំបូកសរុបលទ្ធផលការងារប្រចាំត្រីមាសទី១ និងទិសដៅអនុវត្តបន្តរបស់គណៈកម្មាធិការដឹកនាំកំណែទម្រង់វិមជ្ឈការនិងវិសហមជ្ឈការ ក្រសួងសង្គមកិច្ច អតីតយុទ្ធជន និងយុវនីតិសម្បទា។
កិច្ចប្រជុំនេះមានសមាសភាពចូលរួមពី ឯកឧត្តមរដ្ឋលេខាធិការ អនុរដ្ឋលេខាធិការ តំណាងអគ្គនាយកដ្ឋានកិច្ចការរដ្ឋបាលនិងហិរញ្ញវត្ថុ អគ្គនាយកដ្ឋានសេវាសង្គមកិច្ច អគ្គនាយកដ្ឋានស្តារសម្បទា អគ្គលេខាធិការដ្ឋានក្រុមប្រឹក្សាកម្មភាពជនពិការ អគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ លោក លោកស្រីអគ្គនាយករង នាយកដ្ឋានពាក់ព័ន្ធទាំងអស់ និងសមាជិក សមាជិកាទាំងអស់សរុប ៦៥នាក់។
កិច្ចប្រជុំនេះមានគោលបំណងដូចខាងក្រោម៖
១. របាយការណ៍វឌ្ឍនភាពឆ្នាំ២០២៤
២. របាយការណ៍វឌ្ឍនភាពនៃការអនុវត្តការងារឆ្នាំ២០២៥ និងទិសដៅអនុវត្តបន្តរបស់ក្រុមការងារកំណែទម្រង់វិមជ្ឈការនិងវិសហមជ្ឈការនៃក្រសួងសង្គមកិច្ច អតីតយុទ្ធជន និងយុវនីតិសម្បទា
៣. ផែនការសកម្មភាពសម្រាប់អនុវត្តវិធានការដោះស្រាយបញ្ហាប្រឈម សំណើសំណូមពររបស់រដ្ឋបាល ថ្នាក់ក្រោមជាតិតាមរយៈវេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិ ស្តីពីកំណែទម្រង់វិមជ្ឈការនិងវិសហមជ្ឈការដើម្បីចូលរួមសម្រេចបានចក្ខុវិស័យកម្ពុជាឆ្នាំ២០២៥៕
