នៅទីស្ដីការក្រសួង ស.អ.យ ព្រឹក ថ្ងៃទី១៩ ខែកុម្ភៈ ឆ្នាំ២០២៦ ឯកឧត្តម ប្រាក់ សុខយូរ រដ្ឋលេខាធិការប្រចាំការ និងជាប្រធានក្រុមប្រឹក្សាភិបាល នៃមូលនិធិជនពិការ បានអញ្ជើញដឹកនាំកិច្ចប្រជុំក្រុមប្រឹក្សាភិបាលសម្រាប់អាណត្តិទី៥ លើកទី៨ ដែលមានរបៀបវារៈដូចខាងក្រោម :
១-ប្រជុំពិនិត្យឆ្លងរបាយការណ៍លទ្ធផលការងារឆ្នាំ២០២៥ និងលើកទិសដៅអនុវត្តបន្ដរបស់មូលនិធិជនពិការ សម្រាប់ត្រៀមរៀបចំសន្និបាតប្រចាំឆ្នាំ
២-ប្រជុំពិនិត្យលើគម្រោងស្នើសុំ ការផ្ដល់សេវាស្ដារលទ្ធភាពពលកម្មកាយសម្បទា ដោយប្រើប្រាស់កញ្ចប់មូលនិធិសមធម៌សុខាភិបាល និង ប.ស.ស
៣-បញ្ហាផ្សេងៗ ។
ចូលរួមដោយសមាសភាពសមាជិកក្រុមប្រឹក្សាភិបាលនៃមូលនិធិជនពិការ និងមន្ត្រីពាក់ពន្ធ័។
