ពោធិ៍សាត់៖ ថ្ងៃព្រហស្បតិ៍ ទី៥ ខែតុលា ឆ្នាំ២០២៣ ឯកឧត្តម សន សុផល អគ្គនាយកនៃអគ្គនាយកដ្ឋានស្តារសម្បទា ក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតី ក្នុងពិធីបើកផ្តល់របបគោលនយោបាយជូនចំពោះជនពិការក្រីក្រនៅតាមសហគមន៍ ស្រុកភ្នំក្រវ៉ាញ ខេត្តពោធិ៍សាត់ ដោយមានការចូលរួមពីលោកអភិបាលស្រុកភ្នំក្រវ៉ាញ លោកមេឃុំសំរោង និងតំណាងនាយកដ្ឋានសុខុមាលភាពជនពិការ។
ក្នុងពិធីនេះដែរ ឯកឧត្តម បានផ្តាំផ្ញេីដល់លោកមេឃុំ និងលោកអភិបាលស្រុកមន្ទីរសង្គមកិច្ច អតីតយុទ្ធជន និងយុវនីតិសម្បទា សុំយកចិត្តទុកដាក់ខ្ពស់ដល់ជនពិការនៅពេលមានគ្រោះធម្មជាតិកេីតឡេីងជាយថាហេតុ ដូចជាទឹកជំនន់ ត្រូវជម្លៀសពួកគាត់ស្វែងរកទីសុវត្ថិភាពអោយបានទាន់ពេលវេលា និងស្នេីសុំឱ្យ លោកមេឃុំ លោកអភិបាលស្រុក មន្ទីរសង្គមកិច្ច អតីតយុទ្ធជន និងយុវនីតិសម្បទា ជំរុញការកំណត់អត្តសញ្ញាណកម្មជនពិការសម្រាប់ទទួលបណ្ណសំគាល់ជនមានពិការភាព ដេីម្បីពួកគាត់ទទួលបានអត្ថប្រយោជន៍ ជាច្រើនពីរដ្ឋាភិបាល៕
