សៀមរាប៖ ថ្ងៃចន្ទ ១៤ កើត ខែភទ្របទ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី១៦ ខែកញ្ញា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សន សុផល អគ្គនាយក នៃអគ្គនាយដ្ឋានស្តារសម្បទា ក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជើញជាគណៈអធិបតីក្នុងពិធីបើកសិក្ខាសាលាថ្នាក់ក្រោមជាតិស្តីពី ការផ្សព្វផ្សាយរបាយការណ៍ទិន្នន័យអត្តសញ្ញាណកម្មពិការភាពតាមគំរូសង្គម និងសិទ្ធិជាមូលដា្ឋន ឯកឧត្តម នាក់ ណេរ៉ុន អភិបាលរង នៃគណៈអភិបាលខេត្តសៀមរាប ដែលមានការអញ្ជើញចូលរួមពី ប្រធាននាយកដ្ឋានសុខុមាលភាពជនពិការ តំណាងកម្មវិធី ACCESS 2 មន្ទីរស.អ.យ. សាខាមូលនិធិជាតិជំនួយសង្គម មន្ទីរពាក់ព័ន្ធ ក្រុង ស្រុក ជនបង្គោល ឃុំសង្កាត់ ចំណុះអោយរដ្ឋបាលខេត្តសៀមរាប ចំនួនប្រមាណ ២៥៤នាក់។សិក្ខាសាលានេះរៀបចំឡើងដោយនាយកដ្ឋានសុខុមាលភាពជនពិការ និងគាំទ្រថវិកាដោយ កម្មវិធី ACCESS 2 តាមរយៈអង្គការយូនីសេហ្វ (UNICEF)៕