ភ្នំពេញ៖ ព្រឹកថ្ងៃពុធ ទី៤ ខែតុលា ឆ្នាំ២០២៣ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សុខ ប៊ុនថា បានអញ្ជើញចូលរួមសិក្ខាសាលាពិគ្រោះយោបល់ថ្នាក់ជាតិស្តីពីការប្រកាសព័ត៌មានឱ្យដឹងមុនសម្រាប់ទាំងអស់គ្នានៅកម្ពុជា(National consultation Workshop on Early Warning for All in Cambodia) រៀបចំឡើងដើម្បីរួមគ្នាកំណត់បញ្ហាប្រឈមសំខាន់ៗ និងផ្នែកបច្ចេកទេសជាអាទិភាពរយៈពេលវែងសម្រាប់ជម្រុញ EWS នៅកម្ពុជា ដែលនឹងរួមចំណែកដល់ការអភិវឌ្ឍផែនទីបង្ហាញផ្លូវក្នុងការអនុវត្តការងារសម្រាប់ឆ្នាំ២០២៤-២០២៧។
សិក្ខាសាលានេះបានប្រព្រឹត្តទៅក្រោមអធិបតីភាពឯកឧត្តម ហង្ស សាមឿន ទីប្រឹក្សាផ្ទាល់សម្តេចមហាបវរធិបតី នាយករដ្ឋមន្ត្រី, និងជាអនុប្រធានទី២ តំណាងឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្ដរាយ និងលោក ចូ សូយ័រ(Jo Scheuer)អ្នកសម្របសម្រួលអង្គការសហប្រជាជាតិប្រចាំនៅកម្ពុជា នៅសណ្ឋាគារសូហ្វីតែលភ្នំពេញភូគីត្រា។
បញ្ហាប្រឈម ឱកាស និងផ្នែកបច្ចេកទេសជាអាទិភាព សម្រាប់ការប្រកាសព័ត៌មានឱ្យដឹងមុន EW4ALL ដែលបានពិភាក្សាគ្នាជាក្រុមមានដូចជា៖
- សសរស្ដម្ភទី១៖ ការយល់ដឹងអំពិហានិភ័យ
- សសរស្ដម្ភទី២៖ ការព្យករណ៍ ការសង្កេត ការតាមដាន
- សសរស្ដម្ភទី៣៖ ការទំនាក់ទំនង និងការផ្សព្វផ្សាយ
- សសរស្ដម្ភទី៤៖ ការត្រៀមបង្ការ និងការឆ្លើយតបការប្រើប្រាស់។
សិក្ខាសាលានេះក៏មានការអញ្ជើញចូលរួមពីក្រសួង ស្ថាប័នពាក់ព័ន្ធ តំណាង UN មន្ត្រីបច្ចេកទេស និងសិក្ខាកាម ជាច្រើនរូប ដោយសហការជាមួយ World Food Programme UNDRR World Meteorological Organization ITU IFRC អង្គការជាតិ និងអន្តរជាតិជាច្រើន៕
